使用教學

「香港巴士時間」幫你喺一個畫面睇實時巴士預計到站時間。以下教你由登入到日常使用。

顯示畫面解讀

1. 1
   設定 ⚙：開啟設定頁 —— 更換預設車站、升級 Premium、輸入邀請碼、安裝 App、登出、使用教學。
2. 2
   定位 ◎：臨時搵附近車站睇（只係今次睇，唔會改你嘅預設車站，重開仍然顯示預設）。
3. 3
   車站快速篩選：當你設定咗多個車站，呢度會列出各站名。撳一下可以暫時只睇／隱藏某個站，方便臨時剔走唔等嘅站。
4. 4
   路線資訊：大字係路線號碼；號碼旁綠色 $XX 係由呢個站上車嘅成人車費（已按分段收費計算；八達通優惠、長者／小童半價、$2 樂悠咭計劃除外。個別路線資料未齊時顯示全程車費）；下面「往 …」係目的地方向；最底細字係車站名（睇多個車站時先顯示）。
5. 5
   到站分鐘：大數字係下一班仲有幾多分鐘（來啦＝即將到）；下面細字係之後兩班（例「31 . 55」）。資料每約 20 秒自動更新。

第一次使用

更換預設車站

撳 ⚙ 設定 → 更換預設車站，再用定位或搜尋揀過。新揀嘅會儲存喺你部裝置，下次開 App 顯示。

臨時睇附近車站

喺顯示畫面撳右上角 ◎ 定位，即時列出附近車站揀來睇。呢個係臨時性，唔會覆蓋你嘅預設車站；重開或經設定就回復預設。

同時睇多個車站（Premium）

免費版可設定最多 4 個車站；Premium（每年 HK$12）可設定最多 10 個。多個車站會合併顯示，按最快到站時間排序，頂部會出現車站篩選列（見標註 3）可臨時剔選。升級或輸入邀請碼喺 ⚙ 設定 內。

安裝為 App（常開更方便）

Android（Chrome）：會彈出安裝提示，或在瀏覽器選單揀「安裝應用程式 / 加到主畫面」。
iPhone / iPad（Safari）：撳底部分享按鈕 ⬆ →「加入主畫面」。
安裝後全螢幕運行，並會防止屏幕休眠，適合裝喺舊手機或平板長期顯示。

備註

巴士到站資料來自 data.gov.hk 公共運輸開放數據（九巴、龍運、城巴、新巴）。到站時間為預計值，會因交通狀況而有所出入，僅供參考。查詢：[email protected]